ישיבת נהרי אש - עיה"ק ירושלים ת"ו

א הייליגע ישיבה אין הארץ פון ירושלים עיה''ק וואו עס פלאקערט א פלאם פון תורה דורך די הייליגע בחורים וואס זענען מקיים דעם גולה למקום תורה מיט אלע פירושים, אפגעזונדערט פונעם גאס און אריינגעטאן אין א וועלט וואו נאר תורה וחסידות פארמאגט א פלאץ

די ישיבה וואס איז בס''ד געגרינדעט געווארן מיט צוויי יאר צוריק, דורך דעם ראש הישיבה הרה''ג רבי הערצקא גרינצווייג שליט''א, פון די באקאנטע מרביצי תורה און מחנכים אין ירושלים עיה''ק, האט תיכף ביים גרינדונג אויסגערופן  גרויס שמחה ביי צענדליגע בחורים יראי השם וואס ווילנדיג האבן די זכיה צו קומען קיין ארץ ישראל לערנען תורת ה' בקדושה, אין א ריינע אטמאספערע אן קיין מכשולות למיניהם

שטייענדיג צוויי יאר שפעטער ווען קרוב צו הונדערט בחורים האבן שוין דורך געווייקט די הייליגע כותלי ביהמ''ד מיט טויזענטע שעות פון תורה און חסידות, כדרכו בקודש פון הצדיק הקדוש רבי שמעו'לע זעליחוב'ער זי''ע, נאך וועמען די ישיבה ווערט גערופן על שם ספרו הק', די צדיק וואס האט איינגעפירט אין ישיבת חכמי לובלין א רוח פון תורה מתוך חסידות

אצינד האלט מען ביים אריינטרעטן אינעם קומענדיגען שנת הלימודים וואו די בחורים קוקן שוין ארויס צו לערנען על מי מנוחות. אבער די יעצטיגע לאקאציע האט שוין אויסגעדינט דאס פלאץ. און כדאי צו קענען אקאמאנדירן די בחורי צאן וועט מען בס''ד זיך אריבער ציען צו א נייע מקום תורה וואס פארמאגט א היכל, שיעור צימערן, מיט א חדר אוכל וואס וועט דינען ווי א ריכטיגע אהלה של תורה פאר די תלמידים היקרים

די רענאוואציע ארבעט וואס גייט אפקאסטן לכל הפחות הונדערט פופציג טויזענט דאללער - ווארט בלויז אויף די נדבות פון תומכי תורה וואס פארשטייען די חשיבות פון אזא אימפעריע וואס איז ווי א לייכט טורעם און איז משפיע קדושה פאר די גאנצע וועלט

די זכות התורה וועט אוודאי משפיע זיין פאר אלע מחזיקים מכל טיב וטוב מעתה ועד עולם, אזוי ווי עס שטייט אין פסוק, עץ חיים היא למחזיקים בה ותומכיה מאושר

תזכו למצות!!!