א ביטערע טרער

העכער די קבר פון האברך יצחק הערש  קליין ע"ה

יזדעזעו כל העולם--- אוי טאטעניו... די פעדער איז שטום פון קענען שרייבן ווערטער, כלל ישראל זיצט און וויינט אויף די פרישע טיפע וואונד וואס האט אריינגעשניטן אין די שענסטע און בעסטע וואס מיר פארמאגן. יצחק הערש קליין ע"ה איז אזוי פלוצלינג געפאלן חלשות, הצלה איז געקומען צו לויפן אין איילעניש און אריינגעפירט אין שפיטאל אין א קריטישע צושטאנד פון וואו ער האט ליידער ליידער קורצליך דערנאך אויסגעהויכט די לויטערע נשמה.

די וואונד איז נאך ברייט אפן, מען ווייסט אפילו נישט וויאזוי צו אנהייבן ארויסברענגען וואס דא האט פאסירט. מען זיצט מיט ביטערע געפילן פון אבילות.

אוי יצחק הערש... ווער האט זיך געגלייבט אז דאס וועט פאסירן, ווער האט זיך געגלייבט אז דו וועסט אונז איבערלאזן אזוי פלוצלינג אויף אזא טראגישן פארנעם, ווער האט זיך געגלייבט אז א טאג נאכוואס די האסט עוסק געווען אין העלפן יתומים וואס האבן פארלוירן זייער טאטע וועלן דיינע אייגענע קינדער ווערן פאר'יתומ'ט אויף אזוי שווערע פארנעם.

די שווערע אינצידענט לאזט זיך נישט באשרייבן, ס'איז אזוי ביטער אז מען קען זיך נישט צוזאמקלויבן און אנהייבן טראכטן וואס דא האט פאסירט. אין פארנט פון די אויגן זעה מיר נאך ווי דו שטייסט מיט אונז און דו לעבסט מיט אונז, דו העלפסט אידן, עס וויל נישט אריינגיין אין מח אז ליידער דארף מען זאגן ברוך דיין האמת, עס זאגט זיך ארויס אזוי שווערליך. אוי טאטע עד מתי.

א שטיין קען צוגיין ווען מען זעט ווי דיין חשוב'ע טאטע מאמע שטייען ביי דיין לויה און דארפן דיר באגלייטן צו דיין אייביגע רוה, נישט לאנג צוריק איז מען געשטאנען אונטער דיין חופה ווי דו ביסט אריין אין די פרייליכע מינוטן און אנגעהויבן בויען א שטוב, האסט אוועקגעשטעלט א לעכטיגע שטוב ווי דו מיט די חשוב'ע אלמנה האבן אריינגעברענגט די שכינה און אראפגעברענגט צוויי לעכטיגע קינדערלעך אויף די וועלט.

א חודש צוריק ביסטו נאך געשטאנען ביי דיין שמחה און אפגענומען די ברכת מזל טוב'ס מיט אזא לעכטיגע שמייכל, אזוי שיין געוואונטשן פאר יעדעם, זאכן האבן אויסגעקוקט צו גיין נאר וועג ארויף. אבער ליידער ביסטו יעצט געגאנגען אויף אן אנדערע וועג ארויף לשמי מרומים און דו האסט איבערגעלאזט דיין לעכטיגע שטוב עלנד אליין, די אלמנה מיט די קינדערליך אוי מען קען זיך נישט פארשטעלן די ביטערע צער וואס איז ארויפגעפאלן אויף זייער געוויכט.

טייערע אידן, מיר מוזן טון אלעס אין די וועלט צו זיכער מאכן אז די משפחה צופאלט נישט, מיר מוזן זיך אלע פארזארגן פאר די צוקונפט פון די יונגע משפחה וואס איז נעבעך געווארן פאר'יתומ'ט אזוי פריצייטיג. מיר גייען זיך צוזאמנעמען אלע אינאיינעם, איש בל יעדר, אלע גייען צוזאמען איבערנעמען די שווערע לאסט וואס ליגט אויף די באטראפענע משפחה.

דורכ'ן אוועקשטעלן א קרן יתומים און פארגרינגערן די פינאנציאלע צושטאנד פון די משפחה וועט מען עטוואס לינדערן די שווערע שמערצן פון וואס די משפחה איז נעבעך באטראפן געווארן.

וועד קרן יצחק הערש קליין

שמעון ווארך, חיים אלעזר יאזעפאוויטש, יצחק רייכמאן, אביגדור גראססבערגער

בהדרכת הגה"צ אב"ד קהל ויואל משה סאטמאר מאנשעסטער שליט"א

A heartfelt tear

Above the grave of R’ Yitzchok Hersh Klien

Klal Yisroel is shaken up by yet another tragedy which has cut the life of a young special father. Rabbi Yitzchok Hersh has suddenly passed out and Hatzolah rushed him into hospital in a critical condition, of which he sadly never made it out. He returned his pure neshoma to the creator.

The deep wound is open, it’s hard to explain what happened.

Oh! Yizchok Hersh… who would believe this would happen so soon, and in such a tragic way. Who can fathom that the day you’ve helped so many yesomim, would your own children become yesomim too?

The horrific incident is too difficult to write about. I can vividly see you learning, helping and talking to everyone around you. It’s unthinkable to make believe that the brochaBorich Dein Hoemess was said.

The stone melted when your dear parents were at your levayaand had to bagleit you to your destined peace. Just a few years ago, they were standing under your chupa, where you, and your special almonah started building such a beautiful home and brought two lechtiga children onto the world. 

Just last month, you were the baal simcha. Smiled happily to the well wishers and wished them back with such purity and sincerity. Sadly, you’ve now left your home. Left your almonah and children and went up to a place which is better for you.

Dear Yidden, we need to do all to ensure the smooth running of this home. We cannot leave the family to despair.

Together, lets remove the burden from the family and help them on their feet by securing a fund to ease the financial situation.

Vaad Keren Yitzchok Hersh


Shimon Worch, Chaim Josephovitz, Yitzchok Reichman, Avigdor Grossberger 

Under the guidance of Rav Horowitz Shlita